Жаңа заң жобасы: Еліміздегі шетелдік компаниялар шартты түрде ҚҚС төлейді

Қазақстанда Қосылған құн салығына (ҚҚС) қатысты жаңа ережелер қабылдау жоспарланып отыр, деп хабарлайды Orda.kz.       

«Жобаның мақсаты – Қазақстан Республикасының Салық кодексінің 102-бабының 1-тармағын іске асыру, атап айтқанда, Қазақстан Республикасы аумағында интернет-платформа арқылы электрондық сауда қызметін жүзеге асыратын шетелдік компанияларды шартты түрде ҚҚС төлеуші ретінде тіркеу тәртібін айқындау.
Жобадан күтілетін нәтиже – ҚҚС төлеушіні шартты тіркеу бойынша бизнес-процестерді автоматтандыру арқылы салықтық әкімшілендіруді жетілдіру. Бұл көлеңкелі экономиканың үлесін азайтып, мемлекеттік бюджетке түсетін салық көлемін арттыруға ықпал етеді» деп жазылған ҚР Қаржы министрлігінің «ҚҚС төлеушіні шартты түрде тіркеу ережелерін айқындау туралы» жобасы сипаттамасында. 

Жобаны әзірлеушілердің айтуынша, оның әлеуметтік-экономикалық, құқықтық және өзге де теріс салдары жоқ.

Мемлекеттік кірістер комитеті Ұлттық банкпен бірлесіп 2024 жылдың төртінші тоқсанынан бастап цифрлық теңгені пайдаланып, «Цифрлық ҚҚС» пилоттық жобасын жүзеге асырып жатыр. 

2025 жылға дейін ҚҚС мөлшерлемесін арттыру жөніндегі екі әрекет сәтсіз аяқталды. Бірақ қазір салық реформасы шешілген мәселе ретінде қарастырылып жатыр. 

Жыл басында ҚҚС экономиканың барлық саласы үшін 20% емес, ауыл шаруашылығы секторы үшін ол нөлдік деңгейде қалады, деп хабарлады ҚР Премьер-Министрінің орынбасары Серік Жұманғарин.

Ақпан айының басында Үкімет қосылған құн салығы мөлшерлемесін арттыру туралы шешімін жариялағаннан кейін «Атамекен» Ұлттық кәсіпкерлер палатасы кезектен тыс кеңейтілген отырыс өткізіп, қарсы уәж айтты.