Жамбыл облысында 1600-ден астам бала заңды өкілдерінсіз өмір сүруде

Жамбыл облысының прокуратурасы облыста сенімхат бойынша 1600-ден астам бала тәрбиеленіп жатқанын анықтады. Яғни, бұл балалар заңды өкілдерінсіз өмір сүреді.

«Осыған орай, прокурорлық жауап актісі бойынша нотариустардың мұндай әрекеті тоқтатылып, кінәлілер жауапқа тартылды. Облыстық прокуратураның бастамасымен ата-анасының нақты тұрған жерін анықтау, сондай-ақ олардың өмір сүру және тәрбие алу жағдайын тексеру мақсатында балалардың барлығымен кездесулер ұйымдастырылды», - деп айтты Жамбыл облысының прокуроры Нұрғалым Әбдіров. 

Облыстық нотариаттық палата мұндай сенімхаттардың күшін жою жұмыстарын бастады.