Зеленский: Иранның әскери нысандарына жасалған шабуыл – дұрыс шешім

Украина президенті Владимир Зеленский италиялық Corriere della Sera басылымына берген сұхбатында Иран Ресей үшін көп көлемде қару-жарақ, әсіресе дрондар мен зымырандар өндіретінін мәлімдеді, деп хабарлайды Orda.kz. 

Оның айтуынша, осы себепті Иранның әскери нысандарына жасалған шабуыл – дұрыс шешім.

Сонымен қатар ол Таяу Шығыстағы қақтығыстар салдарынан Киев әуе шабуылына қарсы қорғаныс зымырандарына қатысты қиындықтарға тап болуы мүмкін екенін де атап өтті. Зеленский Иранға қарсы операция ұзаққа созылатын соғысқа ұласпайды деген үміт білдірді.

Зеленский РФ–Украина–АҚШ форматындағы үшжақты кездесуді еш тарап тоқтатпағанын және оның 5 немесе 6 наурызда өтуі мүмкін екенін айтты.

«Мүмкін, кездесу Әбу-Дабиде өтпес. Егер Ресей бейтарап орын қаласа, мен Женева қаласын қалар едім, сондай-ақ Австрия, Ватикан немесе Түркия да қолайлы нұсқа бола алады», – деді ол. 

Зеленский «ешқашан Донбасты және онда тұратын 200 мың украиндықты тастамайтынын» тағы да баса айтты.

Сайлау мәселесіне тоқталған Украина басшысы өзінің қайта үміткер болатынына сенімді емес екенін жеткізді. Оның айтуынша, Украинада сайлау соғыс аяқталғаннан кейін ғана өткізіледі, уақытша бітім кезеңінде сайлау өтпейді.

Оқи отырыңыз:

• Зеленский Трамппен нені талқылады?
• Зеленский: Талап Украинаға ғана қойылады
• «Кәрістер» сценарийі бойынша соғысты аяқтау Украинаға келмейді – Зеленский
• Тақырып «Украина мәселесін реттеу» болмақ: Зеленский келіссөз үшін Швейцарияға келді