Зеленский 30 күнге дереу бітім жасасуды ұсынды

Украина президенті Ресейдің уақытша оқ атуды тоқтату ұсынысына пікір білдірді. Бұған дейін Путин жеңіс мерейтойына орай 8 мамыр түн ортасынан 11 мамыр түн ортасына дейін бітім жариялаған болатын, деп хабаралайды Orda.kz.

Зеленский бұл қадамды «айла-шарғы» деп атап, Украина наурыз айында АҚШ-тың толық бітімге келу туралы бастамасына келісім бергенін еске салды. Оның айтуынша, ұрысты тоқтату үшін 8 мамырды күтудің қажеті жоқ.

«Біз шерулерді емес, адам өмірін бағалаймыз. Бітім дереу, толық әрі сөзсіз болуы керек. Кем дегенде 30 күнге. Бұл — нағыз дипломатияның негізі», — деді Зеленский.

Бұған дейін Путин 19 сәуір күні сағат 18:00-ден 21 сәуір түн ортасына дейін Пасха мерекесіне орай бітім жариялаған еді. Сол кезде тараптар бір-бірін келісімді бұзды деп айыптаған болатын.