«Заңсыз құмар ойын»: Құқық қорғау органының бұрынғы қызметкері Түркиядан экстрадицияланды

Трансұлттық ұйымдасқан қылмыстық топқа қатысқан және заңсыз ойын бизнесін ұйымдастырған азамат Түркия Республикасынан экстрадицияланды, деп хабарлайды Orda.kz.

Бас прокуратураның мәліметінше, күдікті 2015–2016 жылдары ШҚО мемлекеттік органдарының бірінде басшылық қызмет атқара отырып, заңсыз ойын бизнесіне көмек көрсеткен. Ол сол ісі үшін үнемі ақшалай сыйақы алып отырған. Кейін қылмысы әшкереленіп, 7 жыл бойы халықаралық іздеуде болды. 

2024 жылдың қаңтарында іздеудегі азамат Түркияның Измир қаласында ұсталды. Қазіргі уақытта ол тергеу изоляторына отыр.

Қылмыстық топтың басқа мүшелері бұған дейін ұсталып, түрлі мерзімге бас бостандығынан айырылған. 

Айта кетейік, Қырғызстанның экс-президентінің отбасы далада қалды.