Венгриядағы наразылық: Орбан балаларға жасалған зорлық-зомбылықты ақтады деп айыпталды

Венгрияда премьер-министр Виктор Орбанға қарсы жаппай наразылық өтті. Бұған мемлекеттік түзету колониясында кәмелетке толмағандарға қатыгездікпен қарау төңірегіндегі жанжал мен билік өкілдерінің реакциясы себеп болды, деп хабарлайды Orda.kz Bloomberg-ке сілтеме жасай отырып.

Желіге Будапешттегі жасөспірімдерге арналған колониядан видео түсті. Кадрларда мекеме бастығы еденде жатқан жасөспірімді ұрып-соғып,  екіншісінің басын үстеліне соғады. Қоғамдық резонанстан кейін шенеунік отставкаға кетіп, тұтқындалды. Мекемеде тінту жүргізіліп, тағы бірнеше қызметкер ұсталды.

Билік өкілдерінің бұған қатысты мәлімдемелері қоғамның наразылығын тудырды. Шенеуніктер кәмелетке толмаған құқық бұзушылар туралы сөз болып отырғанын атап өтіп, болған оқиға үшін жауапкершілікті зардап шеккендерге жүктеді. Осындай ұстанымды сұхбатында Орбанның өзі де айтты.

Оппозициялық «Тиса» партиясының жетекшісі Петер Мадьяр болып жатқан оқиғаны зорлық-зомбылықты ақтау әрекеті деп атап, азаматтарды көшеге шығуға шақырды. Ол үкіметтің мемлекеттің қамқорлығындағы балаларды қорғай алмайтынын мәлімдеп, премьер-министрдің дереу отставкаға кетуін талап етті.

Наразылық акциялары парламенттік сайлауға төрт ай қалғанда өткізіледі. Bloomberg-тің болжамынша, жанжал кезінде Орбан партиясының позициясы айтарлықтай әлсіреуі мүмкін. Осыдан екі жыл бұрын осындай қоғамдық резонанс президент Каталин Новактың мемлекеттік балалар үйіндегі педофилия ісіне қатысы бар адамға кешірім жасау туралы шешімінен кейін туындап, ол  отставкаға кетіп құтылған еді.