Вашингтонда НАТО-ға қарсы шеру өтті

НАТО саммиті қарсаңында қолдарына плакат ұстаған адамдар наразылық акциясын өткізді. Олар альянсты жойып, АҚШ-тың дүние жүзіндегі әскери базаларын жабуды талап етті, деп хабарлайды Orda.kz РИА Новостиге сілтеме жасап.

Шерушілер Вашингтонның орталығында орналасқан Пресвитериан шіркеуінің үлкен залына жиналды.

Түрлі штаттардың азаматтық белсенді топтарының басшылары АҚШ-тан Израильге қару-жарақ жеткізуді тоқтатуға шақырды. 

Адамдар: «НАТО қолдайтын соғысты тоқтатыңыз! АҚШ базаларын жабыңыз! АҚШ әскері Африкадан, Азиядан және Латын Америкасынан шығарылсын!», «НАТО-ға қарсы шығыңыз!» деген жазулары бар плакаттар ұстап алған.

Бұл АҚШ-тағы адамдардың Палестинаға қолдау көрсету үшін соңғы кездегі жиілеген наразылықтарының жалғасы. НАТО саммиті 9-11 шілдеде Вашингтонда өтеді.