«Міндеттісіздер». Бекшин журналистерге вакцина салдыруды міндеттеді

БАҚ қызметкерлері коронавирусқа қарсы вакцина салдыру қажет. Алматы қаласының бас санитарлық дәрігері Жандарбек Бекшин осылай деп мәлімдеді.

Бұл туралы Orda.kz хабарлайды.

– Тағы бір рет қайталаймын: халыққа қызмет көрсетумен айналысатындардың барлығы міндеттеледі. Сіздер бір-бірлеріңізбен кездесесіздер. Телеарна қызметкерлері екпе салдырмайды дейсіз бе? Жоқ, сіздер міндеттісіздер. Күні бойы сіздер үлкен адамдар тобымен кездесесіздер, жаңа адамдар келеді. Сондықтан, сіздер де Қазақстан Республикасының бас санитарлық дәрігерінің 31 бұйрығы бойынша жұмыс жасауларыңыз керек, - деді Бекшин өңірлік коммуникациялар қызметінде өткен брифингте.