Ұрлық жасаған полицей бір жылдан соң ұсталды

Қарағанды облысында ұрлық жасаған полицей қолға түсті, деп хабарлайды Orda.kz. 

2023 жылдың желтоқсанында іздеу жарияланған Қарағанды облысы ПД тергеу басқармасының бұрынғы бастығы Рустам Құлкеев бір жылға жуық уақыттан кейін ұсталды. Ол уақытша ұстау изоляторына қамалды. Құлкеев қылмыстық іс аясында тәркіленген майнинг техникасын ұрлады деген күдікке ілінген. 

ҚР ІІМ баспасөз қызметі Құлкеевтің ұсталуына қатысты ресми пікір білдірді.

«ІІМ ӨҚД жедел-іздестіру іс-шаралары нәтижесінде іздеуде жүрген азамат Қ. ұсталып, уақытша ұстау изоляторына қамалды. Ол 2023 жылы теріс себептермен ІІО-дан Қарағанды облысы ПД Тергеу басқармасының бастығы қызметінен босатылған. Ішкі істер министрлігі өз құрамындағы кез келген құқық бұзушылыққа төзбеушілік туралы өзінің принципті ұстанымын білдіреді және оларды жою бойынша жұмысты жалғастырады» делінген хабарламада.