Ұлытау облысында қарттар күніне орай зейнеткерлерге 20 мың теңге берілді

Ұлытау облысы Сәтбаев қаласының әкімдігі зейнеткерлерге 20 мың теңгеден таратты, деп хабарлайды Orda.kz.

Әкімдіктің хабарлауынша, алда келе жатқан 1 қазан қарттар күніне орай зейнеткерлерге 20 мың теңге әлеуметтік көмек ретінде берілген.
Қалада 70-тен жоғары 3523 қарт өмір сүреді. Жалпы есеппен алғанда әлеуметтік көмекке 70 млн 460 мың теңге қаржы бөлінген. 

Еске сала кетейік, осы жаздың шілде айында Ұлытау облысының әкімі көпбалалы анадан 495 мың теңге өндіріп алған болатын. Жезқазған қаласының тұрғыны Әсел Айтмағамбетова өңірдегі әлеуметтік мәселелерді жариялай бастағаннан кейін жергілікті биліктің назарына ілікті. Ұлытау облысының әкімі Дастан Рыспектің қызметіне қатысты сыни пікір білдіргені үшін оған әкімшілік іс қозғалып, сот ірі көлемде айыппұл салу туралы шешім шығарды.