Ұлттық банк валюталық реттеу қағидаларына ауқымды түзетулер ұсынды

Қаулы жобасында елдегі шетел валютасымен жүргізілетін операцияларды реттейтін негізгі нормативтік-құқықтық актілерге елеулі өзгерістер енгізу көзделген, деп хабарлайды Orda.kz.       

Атап айтқанда, қолма-қол емес валютаны сатып алу мақсатын тексеруге арналған шекті сома 50 мың АҚШ доллары деңгейінде белгіленеді. Бұған дейін бұл шек Қағидалар арқылы өзгертіліп отыруы мүмкін еді.

Түзетулер көлемінің ауқымды болуына байланысты негізгі құжаттар — «Қазақстан Республикасында валюталық операцияларды жүзеге асыру қағидалары» және «Қазақстан Республикасында валюталық операцияларды мониторингілеу қағидалары» — жаңа редакцияда қайта қабылданады, себебі енгізілетін өзгерістер олардың нормаларының 50 пайыздан астамын қамтиды.

Өзгерістер халықаралық ұйымдардағы шоттарды мониторингілеуді нақтылауды, банктердің есептілігін және шетелде тұратын азаматтар үшін есеп беру тәртібін оңтайландыруды, сондай-ақ терминологияны қолданыстағы заңнамаға сәйкестендіруді қамтиды.

Оқи отырыңыз:

• Ұлттық банк төрағасы: «Бәйтерек» несиелерінен инфляция өршімейді
• Ұлттық банк басшысы елімізде доллар бағамы неліктен күрт өскенін түсіндірді
• Қазақстан Республикасының жаңа Конституциясының жобасы жарияланды