Украина мен Ресей тұтқындарды ауқымды алмастыру туралы келісті

Украина мен Ресей тұтқынға түскен тұлғалармен ірі айырбас жүргізуге келісті. Бұл туралы Украинаның Ұлттық қауіпсіздік және қорғау кеңесінің хатшысы Рүстем Умеров мәлімдеді, деп хабарлайды Orda.kz.

Рустем Умеров президент Владимир Зеленскийдің тапсырмасымен Украина соңғы күндері Түркия мен Біріккен Араб Әмірліктеріндегі серіктестерімен келіссөздер жүргізгенін айтты.

Оның айтуынша, бұл елдер алмасу және тұтқындарды қайтару үдерісін ұйымдастыруға көмектеседі. Шамамен 1200 украиндық алмасу дайындалуда, деп атап өтті Умеров.

«Осы келіссөздердің нәтижесінде тараптар Стамбұл уағдаластықтарын жандандыруға келісті. Жақын арада техникалық консультациялар өтеді. Олар барлық рәсімдік және ұйымдастырушылық сәттерді бекітуі қажет. Тұтқыннан оралуы тиіс украиндықтар Жаңа жыл мен Рождество мерекелерін үйінде – отбасылық үстелде және туыстарымен бірге қарсы алуы үшін үзіліссіз жұмыс істейміз» деп жазды Умеров өзінің Telegram-арнасында. 

Естеріңізге сала кетейік, мамыр айында біз «Бітім емес — тұтқын алмасу»  тақырыбында   Ресей мен Украина арасындағы Стамбұлдағы келіссөздер немен аяқталғаны туралы жаздық.

2 маусымда Стамбұлдағы келіссөздерде Ресей мен Украина 25 жасқа дейінгі ауыр жарақаттанған әскерилер мен тұтқындарды алмастыруға, сондай-ақ қаза тапқан әскери қызметшілердің 6000 денесін бір-біріне беруге келісті.

Осыдан кейін әскери тұтқындармен алмасудың жеті раунды өтті.

Сонымен қатар қаза тапқандардың денелерімен алмасу жалғасып: Ресей тарапы мәлімдегендей, Ресей бірнеше кезеңде Украинаға 6000-нан астам мәйіт берді. Бұған дейін Мәскеу Киевтен 78 денені алды.

Бұдан бұрын тұтқындармен алмасу Біріккен Араб Әмірліктерінің делдалдығымен өткен болатын. Олардың соңғысы 6 мамырда өтті. Әрбір тарап 205 адамды үйіне қайтарды.

24 мамырда Мәскеу мен Киев Стамбұлда қол жеткізілген «1000-ға 1000» формуласы бойынша уағдаластықтар аясында тұтқын алмасудың екінші кезеңін өткізді.  Ресей мен Украина Стамбұлдағы 16 мамыр - 2022 жылдың көктемінен бастап екі ел арасындағы алғашқы тікелей келіссөздерде «1000-ға 1000» формуласы бойынша алмасу туралы келісті.

Екі сағатқа созылған келіссөздер кезінде елдер оқ атуды тоқтату туралы келіспегеніне қарамастан, «1000-ға 1000» формуласы соғыс басталғаннан бері тұтқындарды алмастыру жөніндегі ең ірі шешім болды.

2021 жылы  Ресейдің  АҚШ-пен тұтқын алмасу мәселесін қарай бастағаны туралы Ресей сыртқы істер министрлігінің ресми өкілі Мария Захарова RTVI телеарнасына  берген сұқбатында мәлімдеді.