ТЖМ еліміздің оңтүстігіндегі жер сілкінісінен кейін нысандар мен ғимараттарды тексерді

ТЖМ Шымкент пен Тараздағы жер сілкінісінен кейін өзен арналарын, гидротехникалық құрылыстарды, көшкін мен селге қауіпті учаскелерді тексеру бойынша мониторинг жүргізді, деп хабарлайды Orda.kz ведомствоға сілтеме жасап.

ТЖМ «Қазселденқорғау» ММ мамандары Тараз және Шымкенттегі су сілкінісінен кейін өзен арналарын, гидротехникалық құрылыстарды, көшкін қауіпті және сел қауіпті учаскелерді тексеру бойынша мониторинг жүргізді.

 Сондай-ақ, тіршілікті қамтамасыз ету нысандарын көзбен шолып қарау жүргізілді.

 «Тексеру нәтижелері бойынша бүлінулер табылған жоқ, қазіргі уақытта аталған нысандар штаттық режимде жұмыс істейді», деп хабарлады ведомство. 

 Қираулар мен зардап шеккендер туралы мәлімет түскен жоқ. Жағдай тұрақты.

Бүгін, 6 желтоқсанға қараған түні Шымкент және Тараз қалаларының тұрғындары жер сілкінісін сезінгені, эпицентр  Алматыдан 565 шақырым оңтүстік-батыста орналасқаны хабарланды.