Түркістанда полиция департаментінің 28 қызметкері сөгіс алды

Түркістан облысы мен Түлкібас аудандық полиция бөлімінің 28 қызметкері қатаң сөгіс алды, деп хабарлайды Orda.kz. 

Түркістан облыстық полиция басқармасы мен Түлкібас аудандық полиция бөлімінің 28 қызметкері қатаң сөгіс алған. Кейбірі атқарып отырған лауазымына сай емес деп танылған немесе қызметінен босатылған. Олардың арасында басшылық өкілдері де бар. 

Orda.kz редакциясына Ішкі істер министрлігі мен Түркістан облысы полиция департаменті пікірін айтты.

Ішкі істер министрлігі мен Түркістан облысы полиция департаменті басшылығының тапсырмасына сәйкес тексеру жүргізілді. Тексеру қорытындысы бойынша қызметтік тәртіпті бұзу және жұмыстағы кемшіліктер үшін бірқатар қызметкерге тәртіптік шара қолданылды.

«Полиция департаменті жеке құрам арасында құқықбұзушылықтардың алдын алу және олардың жолын кесу, сондай-ақ қызметтік тәртіп пен заңдылықты нығайту бағытында шаралар қабылдайды»,  деп хабарлады Түркістан облысы полиция департаментінің баспасөз қызметі.