Түркістан облысында криминалдық полиция қызметкері ұсталды

cover Фото: freepik.com

Түркістан облысы Созақ ауданында криминалдық полиция қызметкері ұсталды. Оған жергілікті тұрғыннан ақша бопсалады деген айып тағылды, деп хабарлайды Orda.kz. 

Дереккөздің мәліметінше, полицей жергілікті тұрғыннан тіркелмеген аңшылық қару тапқан. Кейін оны қылмыстық жауапкершілікке тартпау үшін 200 мың теңге талап еткен. Полиция қызметкері ақшаны алып жасырынуға тырысты. Бірақ ҰҚК қызметкерлері оны қолға түсірді. Тінту кезінде, одан 190 мың теңге табылған.

Ұсталған азаматқа қатысты «пара алу» бабы бойынша тергеу басталды. 

«Түркістан облысы полиция департаментінің жеке қауіпсіздік басқармасы ҰҚКД-мен бірлесіп, құқыққа қайшы әрекеттер жасады деп күдіктелген аудандық полиция бөлімінің қызметкерін ұстады. 

«Қазіргі уақытта күдікті уақытша ұстау изоляторына қамалды. ПД тәртіптік комиссиясының шешімімен ұсталған адам ішкі істер органдарындағы қызметінен босатылды. Сондай-ақ, басқа жауапты лауазымды тұлғаларға қатысты қызметтік тексеру жүргізіледі», - деп хабарлады облыстық ПД. 

Айта кетейік, Түркістанда құрдастары 9-сынып оқушысын моланың қасында сабап өлтірді.

Жаңалықтар

барлық жаңалықтар