Тұрсынғали Алагөзов «Қайрат» «Реал Мадридті» жеңсе бір-бір көліктен мінгізбекші

Танымал кәсіпкер Тұрсынғали Алагөзов 30 қыркүйекте болатын «Қайрат» пен «Реал Мадрид» матчында алматылық клуб жеңіске жетсе, барлық футболшыларға көлік сыйлайтынын айтты, деп хабарлайды, Orda.kz.

Алагөзов әлеуметік желіде футболшыларға көлік сыйлауға ниетті екенін айтты.

«Мен елімнің патриоты ретінде және туған күнім қарсаңында «Қайрат» футбол командаса «Реалды» жеңсе, ойнағандардың бәріне бір-бір көліктен беремін деп уәде етемін. Алматы – әлемнің астанасы, «Қайрат»  – чемпион!»,  – деді Алагөзов.

Айта кетейік, «Қайраттың» Чемпиондар лигасының жалпы кезеңі аясындағы испан алыптарымен ойыны 30 қыркүйекте өтеді. Бұл кездесу ерекше қызығушылықпен күтілуде, алматылықтар алғаш рет өз алаңында Еуропаның ең мықты клубтарының бірін қабылдайды.

Еске сала кетейік, Тұрсынғали Алагөзов жуырда ғана бизнесмен  100 қызметкеріне Алматыдан пәтер сыйлаған болатын.