Трамптың кесірінен: Франция НАТО-дан шығу мәселесін қарастыра бастады

Франция Ұлттық жиналысы төрағасының орынбасары Клеманс Гетте Францияның НАТО құрамынан шығуы туралы резолюция жобасын енгізетінін мәлімдеді. Бұл туралы Orda.kz РБК-ға сілтеме жасап хабарлайды.

Геттенің айтуынша, резолюцияны әзірлеуге АҚШ-тың сыртқы саясаты себеп болған. Себебі Солтүстік Атлантикалық альянсты іс жүзінде Америка Құрама Штаттары басқарып отыр. Ол бұл туралы бірнеше себепті атап өтті: АҚШ тарапынан Венесуэла президенті Николас Мадуроны тұтқындау, Палестинадағы «геноцидті» қолдау, сондай-ақ Гренландияны аннексиялау жөніндегі қоқан-лоққылар.

«Бұрын-соңды болмаған деңгейде АҚШ басқарып, соның мүддесіне қызмет ететін әскери альянс — Солтүстік Атлантикалық шарт ұйымына Францияның қатысуы мәселесі көтеріліп отыр. Мен НАТО-дан, ең алдымен оның біріккен қолбасшылық құрылымынан шығуды көздейтін резолюция жобасын ұсынып отырмын» деп жазды Гетте әлеуметтік желілерде.

Сенбіге қараған түні Каракаста жарылыс болды. Осыдан кейін Трамп АҚШ ауқымды соққылар жасағанын, ал Венесуэла президенті Николас Мадуроның жұбайымен бірге тұтқындалып, елден әкетілгенін мәлімдеген болатын.

Еске салсақ, республикалық конгрессмен Томас Месси былтыр желтоқсан айының соңында Америка Құрама Штаттарының НАТО-дан шығуы туралы Заң жобасын Конгресске енгізген болатын. 

2025 жылдың 9 мамырында Украинаның қауіпсіздік қызметі Венгрия билігіне қызмет еткен шпиондық желіні ашқанын жариялады. Сонымен қатар, Reuters ақпараты бойынша Украинаның қауіпсіздік қызметі Венгрияның әскери барлауына Украинаның қорғаныс инфрақұрылымының жай-күйі туралы ақпарат берген деген екі күдіктіні ұстады. Бұл тарихта Венгрия арнайы қызметінің Украинаға қарсы жұмыс істеген алғашқы оқиғасы.

Тақырыпа қатысты оқыңыз:

• Вашингтонда НАТО-ға қарсы шеру өтті
• «НАТО-ға қарсы әрекет етті»: Польшада Қазақстан азаматы ұсталды
• АҚШ Украинаны соғыс аяқталмайынша НАТО-ға қабылдағысы келмейді