Трамп Украинадағы соғыс жағдайын АҚШ-тың КСРО-ны «жеңгенімен» салыстырды

АҚШ президенті Дональд Трамп Украинадағы соғыс төңірегіндегі жағдай мен 1980 жылғы Олимпиадада АҚШ-тың хоккей құрамасының КСРО командасын аяқ астынан жеңіп кеткенімен салыстырды, деп хабарлайды CNN-ге сілтеме жасай отырып Orda.kz.

Ол 1980 жылғы АҚШ командасының хоккейшілерін марапаттау рәсімінде Кеңес Одағы құрамасын жеңгені туралы дәл осылай деген болатын.

«Бұл ұқсас жағдай», - деді Трамп жанжал тақырыбын қозғай отырып. 

Алайда ол бұл салыстыруды әрі қарай түсіндірмеді әрі Украинадағы соғыстың қалай аяқталатынын еш болжай алмайтынын айтты.

«Не болатынын көрейік. Қазір біз қандай мәміле жасай алатынымызды білу үшін жұмыс істеп жатырмыз. Жақын арада бәрі түсінікті болады деп ойлаймын», - деп түсіндірді ол. 

Мақалада айтылғандай, АҚШ Украинадағы қақтығысты реттеу жөніндегі 28 пункттік бейбіт жоспар ұсынғаннан кейін қарқынды дипломатиялық күш-жігер пайда болған сияқты.

Сонымен қатар, осы аптада Ақ үй егер олар тиімсіз деп есептесе, қосымша келіссөздерге қатыспайтынын мәлімдеді.

Естеріңізге сала кетсек, бұған дейін Трамптың ГФР канцлері Фридрих Мерцпен, Ұлыбритания премьер-министрі Киир Стармермен және Франция президенті Эммануэль Макронмен телефон арқылы сөйлескенде шамалы сөзге келіп қалған болатын. Бұл туралы журналистерге АҚШ президенті өз айтып берді. 

Сонымен қатар АҚШ президенті Дональд Трамптың арнайы өкілі Берлинде Украина, Германия, Франция және Ұлыбритания басшыларымен кездесу өткізеді. Бұған дейін Ақ үй келіссөздердің нақты құндылығы болған жағдайда ғана өз өкілін жіберетінін айтқан болатын.

Тағы бір еске салатын жайтБеларусь билігі тыңшылық, терроризм және экстремизм үшін сотталған 123 азаматқа рақымшылық жасады.