Трамп Гренландия мен Канаданы АҚШ-қа қосып алған «әлемнің жаңа картасын» көрсетті

АҚШ Президенті өзінің Truth Social әлеуметтік желісінде Гренландия, Венесуэла және Канада аумақтары Америка туымен белгіленген суреттерді жариялады, деп хабарлайды Orda.kz.

Truth Social-дағы алғашқы жарияланымда Трамп Ақ үйдегі кабинетінде еуропалық елдердің көшбасшыларымен сөйлесіп отыр.  Оның жанында Венесуэла, Канада және Гренландия аумақтары АҚШ туымен белгіленген карта тұр.

Фото: Truth Social

Екінші суретте Дональд Трамп Гренландия аумағында Америка туын тігіп жатыр. Оның жанында АҚШ мемлекеттік хатшысы Марко Рубио мен вице-президент Джей Ди Вэнс тұр. Тақтайшаның қасында 2026 жылы Гренландия Америка аумағына айналды деп жазылған.

 Фото: Truth Social

 Бұған дейін біз Дональд Трамптың бірқатар мемлекеттердің, соның ішінде Қазақстан президентінің қатысуымен Газа бойынша халықаралық «Бейбітшілік кеңесі» құрылғанын жариялағанын жазғанбыз. Оған негізінен қақтығысты саяси реттеуге және өңірдің соғыстан кейінгі құрылымын талқылауға қатысуға дайын елдер шақырылады.

Трамп Тоқаевты Газадағы бейбітшілік кеңесіне шақырды. Президенттің баспасөз-хатшысы Руслан Желдібайдың айтуынша, Тоқаев Қазақстанның таяу шығыста берік бейбітшілікке қол жеткізуге, мемлекетаралық сенім мен жаһандық тұрақтылықты нығайтуға қолдан келгенше үлес қосатынын айтты.