Трамп бай мигранттарға арналған «алтын картаны» көрсетті

АҚШ президенті Дональд Трамп бай шетелдік инвесторлар Америка азаматтығын алу үшін сатып  алатын «алтын картаның» дизайны қандай екенін көрсетті, деп хабарлайды Orda.kz.

New York Post хабарлауынша, карта құны 5 миллион доллар (2,5 миллиард теңгеден астам) болады.

Сондай-ақ Трамп алтын түсті картаны көрсетті. Оның айтуынша, бағдарлама шамамен екі аптадан кейін жұмыс істей бастайды. АҚШ басшысы мұндай картаны бірінші болып өзі сатып алғанын айтты.

Бұған дейін АҚШ-та шетелдіктердің балаларына азаматтық беру тоқтатылатыны хабарланған болатын. Содан кейін Трамп командасы АҚШ азаматтығын алу ережелерін қатаңдату үшін жоспарлар дайындап жатқанын мәлімдеді.

Жақында АҚШ президенті Дональд Трамп 185 елге баж салығын енгізді. Америкалық The Atlantic басылымының бас редакторы Джеффри Голдберг Дональд Трамп әкімшілігі оны Йемендегі хуситтерге қарсы әскери операцияны талқылаған құпия чатқа байқаусызда қосып қойып, үш күн бойы байқамаған.