Токио Олимпиадасына боксшылардан кім қатысады?

24 шілде мен 8 тамыз аралығында Токиодағы Олимпиада ойындарында қазақстандық боксшылар өнер көрсетеді.

Бұл туралы Orda.kz Ұлттық Олимпиада комитетіне сілтеме жасап хабарлады.

Белгілі болғандай, Қазақстан атынан Токио-2020 ойындарына 9 спортшы қатысады.

Ел намысын қорғайтын боксшылар тізімі:

• Сәкен Бибосынов (52 келіге дейін)
• Серік Теміржанов (57 келіге дейін)
• Зәкір Сафиуллин (63 келіге дейін)
• Абылайхан Жүсіпов (69 келіге дейін)
• Әбілхан Аманқұл (75 келіге дейін)
• Бекзад Нұрдаулетов (81 келіге дейін)
• Василий Левит (91 келіге дейін)
• Қамшыбек Қоңқабаев (91 келіден жоғары)
• Надежда Рябец (75 келіге дейін)

Еске салсақ, Токиодағы жазғы Олимпиада ойындары 2021 жылдың 23 шілде – 8 тамыз аралығында өтеді. Онда 33 спорт түрінен 339 медаль ойнатылады.