Тоқаев Жәнібек Әлімханұлын жеңісімен құттықтады

15 қазан 2023 12:43 Ләззат Сұңқар

Еліміздің боксшысы Жәнібек Әлімханұлы 15 қазан күні таңертең неміс Винченцо Гуальтиериді алтыншы раундта нокаутқа түсірді. Ол орта салмақтағы WBO тұжырымы бойынша әлем чемпионы атағына IBF белбеуін қосты.

«Жәнібек қазақ бокс стилінің кереметі мен құдіретін барша әлемге тағы бір паш етті. Сіздің жеңісіңіз жас қазақстандықтарды нәтижеге жетуге ынталандырады. Сіздерге бақыт, денсаулық және спортта жаңа биіктер тілеймін!» деп Қасым-Жомарт Тоқаев Twitter парақшасында жазды.

Розенберг қаласындағы (Техас, АҚШ) Fort Bend Community Center аренасында өткен бокс кешінде Әлімханұлы - Гуальтиери жекпе-жегі өтті.

Жеңіліп көрмеген қазақ боксшысының еншісінде қазір кәсіпқойлар арасында 15 жеңіс бар, оның 10-ында нокаутпен жеңіске жеткен. Ал бұл Гуальтиери мансабындағы алғашқы жеңілісі.

бокс спорт тоқаев

Жаңалықтар

барлық жаңалықтар