Тоқаев Сербия президентімен телефон арқылы сөйлесті

Тоқаев Сербия президенті Александр Вучичпен телефон арқылы сөйлесті. Қос тарап та қазақ-серб қарым-қатынастарын одан әрі нығайтуға ниетті екенін айтты, деп хабарлайды Orda.kz.

Екі елдің басшылары Тоқаевтың 2024 жылдың қараша айында Белградқа ресми сапарында келіскен келісімдерді жүзеге асыру туралы сөз қозғады. Сондай-ақ президенттер сауда-экономикалық және инвестициялық байланыстарды жандандырудың, соның ішінде өнеркәсіп, энергетика, құрылыс, ауыл шаруашылығы, цифрландыру, көлік және логистика салаларындағы бірлескен бастамаларды нақты іске асыру туралы да сөйлесті.

Әңгіме соңында Тоқаев Сербия президенті Александр Вучичті Қазақстанға ресми іс-сапармен келіп қайтуға шақырды.

Айта кетейік, президент «Орталық Азия – Еуропа Одағы» саммиті мен «Жаһандық климат сын-қатерлеріне қатысты Орталық Азия» халықаралық конференциясына қатысу үшін Самарқандағы Конгресс-орталыққа барып қайтқан болатын.

Еске сала кетсек, Қазақстан жеңістің 80 жылдығына қызу дайындықты бастап кетті, бұған дейін жеңістің 80 жылдығына арналған шеруге 2,5 млрд теңге жұмсалатыны айтылды. 

Сонымен қатар, Orda.kz Ресей президенті Владимир Путин «Казахстанская правда» газетіне берген сұхбатында Қасым-Жомарт Тоқаев пен қазақстандық достарын  жеңістің 80 жылдығына арналған мерекеге шақырғаны жайлы жазды. Ал Astana Think Tank форумының қорытынды отырысында Тоқаев «Ресейдің Украинадағы соғыста жеңілмейтінін» айтқан болатын.