Тоқаев келесі үш жылға арналған бюджет туралы заңды бекітті

Қасым-Жомарт Тоқаев «2026-2028 жылдарға арналған республикалық бюджет туралы» заңға қол қойды, деп хабарлайды Orda.kz. 

Парламент қараша айының соңында бюджетті қабылдады. Онда ЖІӨ-нің орташа жылдық өсу қарқыны 5,3% деңгейінде белгіленді. Номиналды ЖІӨ өсімі 2026 жылы 183,8 трлн теңгеден 2028 жылы 229,8 трлн теңгеге дейін өсуі мүмкін деген болжам бар.

2026 жылдың 1 қаңтарынан бастап:

- ең төменгі жалақы мөлшері — 85 000 теңге;
- мемлекеттік базалық зейнетақы төлемінің ең төменгі мөлшері — 35 596 теңге;
- айлық есептік көрсеткіш (АЕК) 4325 теңге;
- базалық төлемдерді есептеу үшін ең төменгі күнкөріс деңгейі — 50 851 теңге; 
- зейнетақының ең төменгі мөлшері — 69 049 теңге болады. 

2025 жылы АЕК 3932 теңге болған. 2026 жыл бұл шамамен 10%-ға өседі. Демек, АЕК-ке байланысты төлемдер, айыппұлдар мен жәрдемақылардың барлығы автоматты түрде артады. 

Айта кетейік, музыкант Иманбек Зейкенов «Құрмет» орденімен марапатталды.