Тоқаев Қазақстан халқын Ораза айт мерекесімен құттықтады

cover Фото: Ақорда

Мемлекет басшысы Қасым-Жомарт Тоқаев қазақстан халқын Ораза айт мерекесімен құттықтады, деп хабарлайды Orda.kz.       

«Бұл – бүкіл мұсылман қауымы үшін мән-маңызы ерекше, қасиетті мереке. Осы мейрамда рухани тазару мен парасаттылық, сабырлық пен қанағатшылдық, өзара сыйластық пен тілектестік, жанашырлық пен жақсылық құндылықтары дәріптеледі» —, деді президент. 

Мемлекет басшысы Ата дәстүріміз бен асыл дініміз елдің бірлігін нығайтып, қоғамның берекесін арттыратын игі амалдар жасауға үндейтінін айтты.

«Биыл Ораза айт мейрамы Наурыз мерекесімен қатар келіп, ел дамуындағы жаңа тарихи кезеңнің жаршысына айналды. Мұның символдық мәні зор. Баршаңызға зор денсаулық, бақ-береке, толайым табыс тілеймін!  Еліміз аман, жеріміз тыныш болсын! Ораза айт қабыл болсын!» - деді Тоқаев. 

Еске салсақ, 19 наурызда Тоқаев жұмыс сапарымен Алматыға келіп, 23 млн долларлық суперкомпьютер кластерімен танысқан болатын.  Ол Алматы қаласына жұмыс сапарымен келіп, әл-Фараби атындағы Қазақ ұлттық университетінің ғылыми әлеуетімен танысты.

Оқи отырыңыз:




Жаңалықтар

барлық жаңалықтар