Тоқаев Бибігүл Төлегенова мен Олжас Сүлейменовке мемлекеттік стипендия тағайындады

Мемлекет басшысы Қасым-Жомарт Тоқаев қазақ өнері мен мәдениетінің көрнекті қайраткерлері — Бибігүл Төлегенова мен Олжас Сүлейменовке президенттік стипендия тағайындады, деп хабарлайды Orda.kz. 

Президент Қасым-Жомарт Тоқаев 2025 жылғы мәдениет саласындағы мемлекеттік стипендияны беру туралы өкімге қол қойды. Бұл туралы Ақорда ресми мәлімдеді.

Президенттің арнайы стипендиясы — мәдениет, әдебиет және өнер саласында елге сіңірген еңбегі үшін берілетін жоғары марапаттардың бірі.

Бибігүл Төлегенова — опера әншісі, КСРО және Қазақстанның халық әртісі, Мемлекеттік сыйлықтардың лауреаты. 

Олжас Сүлейменов — жазушы, қоғам қайраткері, халықаралық деңгейде танымал әдебиет майталманы.

Бұл стипендия қос қайраткерге ел алдындағы ерен еңбегі мен шығармашылық мұрасын бағалау ретінде табысталып отыр.

2025 жылы мәдениет саласындағы мемлекеттік стипендия берілген адамдардың дербес құрамын мына сілтемеден көре аласыздар.

Айта кетейік, Германияның батысындағы Гельзенкирхен қаласында ел тарихындағы ең ірі банк тонауы тіркелді. Қаскөйлер Sparkasse банкінің сақтық қоймасындағы мыңдаған сейф ұяшықтарын бұзып, ішінен қомақты қаражат алып кетті.