Тоқаев Әзірбайжан президентін Тәуелсіздік күнімен құттықтады

Қасым-Жомарт Тоқаев Әзірбайжан президентіне құттықтау жеделхатын жолдады.

Мемлекет басшысы Қ.К.Тоқаев  Ильхам Әлиевті және Әзірбайжан халқын ұлттық мереке – Тәуелсіздік күнімен құттықтады.

«Әзірбайжанның мемлекеттілік негіздері мен халықаралық беделін нығайтудағы таңғаларлық жетістіктері бұл тарихи датаны ерекше толықтырады. Қазақстан бауырлас Әзірбайжанның жетістіктерін зор ынтамен қабылдайды және достық пен өзара қолдау рухындағы көпқырлы ынтымақтастықты тереңдетуге баса назар аударады. Қазақстан-Әзірбайжан стратегиялық серіктестігі мен одақтастығы жақын халықтарымыздың игілігі үшін одан әрі нығая беретініне сенімдімін» делінген жеделхатта.

Президент сондай-ақ Ильхам Әлиевке ұлттық көшбасшы ретінде одан әрі табыс, ал бауырлас Әзірбайжан халқына бейбітшілік, жетістік пен прогресс тіледі.