Тікұшақ апаты: Белгілі кәсіпкер отбасы мүшелерімен бірге көз жұмды

Жеке тікұшақ апатқа ұшырап, 10 адам көз жұмды, деп хабарлайды Orda.kz. 

Қайғылы оқиға Бразилияда болды. Бразилияның оңтүстігіндегі Грамаду қаласында, Рио-Гранде-ду-Сул штатында жеке ұшақ тұрғын үйлердің  үстіне құлады. Бортта 10 адам болып, өкінішке орай , олардың бірі де аман қалмады. 

Мәліметтерге сүйенсек, ұшақта кәсіпкер Луис Клаудио Сальгейро Галеазци және оның тоғыз отбасы мүшесі болған. 

Ұшақ дүкендер мен үйлердің үстіне құлаған. Өрт сөндірушілер оқиға орнына келіп, ұшақтан шыққан өртті сөндірді.

Жергілікті биліктің мәліметінше, оқиға орнында зардап шеккен 17 адам ауруханаға жеткізілген.