Теміртауда жасөспірімдер қарттың үйіне баса-көктеп кіріп, оны соққыға жыққан

Теміртау қаласында кәмелетке толмағандар жалғызбасты қарттың үйіне баса-көктеп кіріп, оны соққыға жыққан, деп хабарлайды Orda.kz.

Бір топ жасөспірім өздерін электрик ретінде таныстырып, қарт кісінің үйіне кіріп, оған күш көрсеткен. Онымен қоймай, оқиғаны видеоға түсірген.

Бейнебаянда жігіттер ер адамның бетіне түкіріп,  басынан тепкен.

Қарағанды облысының Полиция департаменті хабарлағандай, барлық кәмелетке толмағандар анықталып, заңды өкілдерімен бірге Теміртау қаласы Полиция басқармасының шығыс бөлімшесіне жеткізілді. Аталған факт бойынша қылмыстық іс қозғалды.