Tele2 және Altel пайдаланушылары байланыс ақауларына шағымданып жатыр

Tele2 және Altel ұялы байланыс операторларының пайдаланушылары байланыстағы ақауларға шағымданады.

Tele2 баспасөз қызметі төтенше жағдай орын алғанын хабарлады.

«Қызметтері мен бағдарламалық қамтамасыз етуін bercut ұсынатын есепшотқа қатысты желі элементтерінде апаттық ақаулар болды. Жақын арада қалыпты жұмыс режиміне оралу күтілуде: Tele2/Altel техникалық барлық қызметтерді қалпына келтіру бойынша шұғыл жұмыстар жүргізуде. Tele2/Altel өз абоненттерінен кешірім сұрайды» делінген хабарламада.

Сондай-ақ, ұялы байланыс операторы баспасөз қызметінің мәліметінше, бүкіл ел бойынша абоненттердің шамамен 20%-ы «кері әсерге» тап болған.