«Тасмағамбетов кетіп, Масадықов келді»: Бішкекте ҰҚШҰ-ның жаңа бас хатшысы тағайындалды

Бүгін Қырғызстанда Ұжымдық қауіпсіздік шарт ұйымының саммиті өтіп жатыр. Жиында ҰҚШҰ-ның жаңа бас хатшысы тағайындалды, деп хабарлайды Orda.kz. 

2023 жылдың 1 қаңтарынан бастап бас хатшы қызметін атқарған Тасмағамбетовтің орнына Қырғызстан өкілі Таалатбек Масадықов келді.

Масадықов жаңа лауазымына дейін құрылым бас хатшысының орынбасары лауазымында жұмыс істеді. Басшылықтың ауысуы алдын-ала келісілген. Мұны Ресей президентінің көмекшісі Юрий Ушаков растады. Енді Таалатбек Масадықов 2026 жылдың 1 қаңтарынан бастап қызметке кіріседі. Ол үш жылға тағайындалды.

Президенттер ҰҚШҰ бас хатшысы лауазымындағы қызметін аяқтаған Иманғали Тасмағамбетовке алғыс айтты.

Айта кетейік, құлағы нашар еститін жүргізушіге жол ақысын төлемей кеткен жолаушы табылды.