Танымал блогер Қамза Қайсар іздеуде жүр

Блогерге Қазақстан Республикасының Қаржы мониторингі агенттігі іздестіру жүргізіп жатыр, деп хабарлайды Orda.kz.

ҚМА-ның мәліметінше, блогерге қаңтар айының 10-ы күні іздестіру жұмыстары басталған.

Бұл туралы блогер Нұрдәулет Мэлс өзінің Threads парақшасындағы өзге де блогерлерге ескерту ретіндегі жазбасында жариялады.

«Казиноға жарнама жасауды қояйық, блогерлер. Әйтпесе, осылай іздеуде жүресіңдер» деп жазды блогер Нұрдәулет Мэлс.

Қайсар Қамза өзінің шетелдегі блогтарымен танымал. Оның Instagram парақшасында 2,4 млн оқырманы бар. Алдына ала мәліметтер бойынша, блогерді іздестіру расымен де заңсыз онлайн құмар ойындардың жарнамасы болуы мүмкін.

Алайда осы жағдайдан кейін блогер өзінің Instagram парақшасына жазба жариялап, барлығы дұрыс екенін жазды.

Айта кетейік, бұған дейін Шымкентте тікелей эфирде есірткі жайлы айтқан блогер қамалған болатын.