Тамара Асардың өгей ұлы өмірден озды

Атақты әнші Тамара Асардың жолдасының бірінші некесінен туған ұлы Әлішер қайтыс болды, деп хабарлайды Orda.kz.

Қостанай облысы Наурызым ауданы әкімдігі кәсіпкер Жұмаш Бекмырзаның ұлы Әлішердің мезгілсіз қазасына байланысты көңіл айтты.

«Белгілі кәсіпкер Жұмаш Бекмырза мен оның жұбайы Тамара Асардың ұлы Әлішердің мезгілсіз қайтыс болуына байланысты шын жүректен көңіл айтамын. Бұл орны толмас ауыр қаза. Қайғыға ортақтасып, туған-туыстары мен жақындарына сабыр тілеймін. Алла тағала марқұмның жанын жәннаттан қылсын, артында қалғандарына күш-қуат берсін»  деп жазды Наурызым ауданының әкімдігі.

Әзірге белгілі әншінің әлеуметтік парақшасында бұл жағдайға қатысты ақпарат жарияланған жоқ.