Таяу Шығыстан 9517 қазақстандық елге қайтты

Таяу Шығыстан Қазақстанға 9517 қазақстандық қайтарылды, деп хабарлайды Orda.kz. 

Біріккен Араб Әмірліктерінен, Қатардан және Сауд Арабиясы корольдігінен азаматтарды эвакуациялау жұмыстары әлі жалғасуда.

Сонымен қатар СІМ Бахрейн, Израиль, Иордания, Иран, Кувейт, Ливан және Оман елдерінен де отандастарымызды эвакуациялап жатыр. Қазақстандық дипломаттар шет елдегі азаматтармен тұрақты байланыста және қажетті қолдау көрсетуде.

Қазақстанның сыртқы істер министрлігі Таяу Шығыс елдеріндегі қауіпті жағдайға қарамастан сол жақтарға сапарлауға әрекеттеніп жатқан қазақстандықтар бар екенін айтып, ескерту жасады.

Еске салайық, 28 ақпанда Израиль Тегеран қаласына соққы жасады. Соғыстың басталуына байланысты Қазақстаннан Таяу Шығысқа бағытталған бірқатар әуе рейстері тоқтатылды, оның ішінде Астана қаласынан ұшатын кейбір рейстер де бар. АҚШ пен Израильдің Иранмен қақтығысы өңірдің бірнеше еліне әсер етті.

Оқи отырыңыз:

• Жас жұбайлар WhatsApp желісі арқылы 100-ден асам адамды алдап келген
• Қостанай облысында интернет-алаяқтарға SIM-карталарын қосып беріп отырған тұрғын ұсталды
• Әзербайжан Иранға гуманитарлық көмек жіберді