Тұрсынбек Қабатов қызының ісіне қатысты видео жариялады

Әзілкеш Тұрсынбек Қабатов қызы Әдемі Тұрсынбекқызының орнына ҰБТ-ға басқа адамның кіруі туралы өзінің instagram парақшасында түсініктеме ретінде видео жариялады.

Бұл туралы Orda.kz хабарлайды.

Телефон арқылы Нұрбек есімді жігітпен сөйлескен Қабатов қызының атынан басқа адамның кіретінін білмегенін алға тартты. Ол телефонның арғы жағындағы адамға сұрақ қойып, мұндай әрекетке не үшін барғанын сұрады.

– Армысыздар құрметті Отандастар! Кешелі бері қызу талқыланып жатқан  келеңсіз оқиғаның шын мәнісінде қалай болғаны туралы түсіндіре кеткенді жөн санадым. Ата-ана ретінде бұл оқиға бізге де өте ауыр тиіп отыр. Қолдау білдіріп жатқан жандарға зор рахмет,- делінген әзілкеш жазбасында.