«Сүйегі жертөледе»: Марқұм әйелдің туыстары аурухананы қиратып жатыр

Шу қаласында сүйегі аурухананың жертөлесінен табылған жүкті әйелдің жақындары аурухананы қиратып жатыр. Бұған дәрігерлер наразылық танытты, деп хабарлайды Orda.kz.

Жан тапсырған әйелдің отбасы аурухана ұжымын немқұрайлылығы үшін және қайғылы оқиғаны жасырғаны үшін айыптады. Әйелдің туыстары аурухана ғимаратына басып кіріп, тәртіпсіздік жасаған көрінеді. Кадрларда есіктің әйнегі шағылып, медбикелерге шабуыл жасап жатқанын байқауға болады.

Денсаулық сақтау министрлігі тергеу бастады және кінәлі қызметкерлерді жазалауға уәде берді. Ал аурухана ұжымы бас дәрігерді қызметінен босатуға қарсы наразылық білдіріп жатыр. Олар тергеу кезінде жұмыстан шеттетілген бас дәрігер Қуаныш Түлепбергеновты қорғап шықты.

«Ананың өліміне себеп болған кінәлілер соттың шешімі бойынша жазаланады. Ал біз бас дәрігеріміздің кәсіби, білікті басшы деп санаймыз. Оған шабуыл жасалып жатыр, соның салдарынан біз төтенше жағдайда жұмыс істеуге мәжбүрміз. Біздің науқастардың қауіпсіздігіне, өз бетінше соттауға, өрт қоюға және күш қолдануға қатысты дәлелдеріміз бар», — деп айтты дәрігерлер бейне үндеулерінде.

Еске салайық, Шу қаласындағы көпбейінді ауруханада ана мен бала өлімі тіркеліп, қоғамда үлкен резонанс тудырды. Тергеу жүргізу кезеңінде Шу ауданының ауданаралық орталық ауруханасының бас дәрігері мен перзентхана бөлімшесінің меңгерушісі қызметінен шеттетілді.