СҚО-да сабақ үстінде химия мұғалімінің беті күйіп қалды

Солтүстік Қазақстан облысы Сергеевка қаласындағы К.Салықов атындағы мектепте химия сабағында тәжірибе жасау кезінде беті мен мойнын термиялық күйік шалған мұғалім ауруханаға жеткізілді, деп хабарлайды Orda.kz.

Оқыс оқиға 9 сынып оқушыларына сабақ өткізіп жатқан кезде болған. Химиялық тәжірибе кезінде жарылыс болып, мұғалімнің киімі тұтанған. Салдарының беті, қолы, мойны мен кеуде тұсын күйік шалған. Отты оқушылардың бірі сөндірген. Басқа зардап шеккендер жоқ.

«Мектеп директоры міндетін атқарушы тәртіптік жауапкершілікке тартылды. Химия пәнінің мұғалімі жұмысқа шыққаннан кейін сабақ үстінде қауіпсіздік техникасын сақтамағаны үшін жазаланады. Барлық білім беру ұйымдарында педагогикалық қызметкерлермен еңбек қауіпсіздігі және өрт қауіпсіздігі бойынша жоспардан тыс нұсқаулықтар өткізілді», — дейді облыстық білім басқармасының баспасөз хатшысы Әсел Жүнісова.  

Полиция департаменті тексеріс жүргізіп, жинақталған Мемлекеттік еңбек инспекциясы комитетінің департаментіне жолданды. 

Автор: Ханшайым Байболова