СҚО-да малшы найзағайдан қайтыс болды

Солтүстік Қазақстан облысында көктемнің соңғы күні жазатайым оқиға болып, Мәмлүт ауданының Владимировка ауылына жақын жерде найзағай отынан бір адам қайтыс болды, деп хабарлайды Orda.kz.

 Мал бағуға шыққан ауыл тұрғынының кезекті жұмыс күні қайғылы оқиғамен аяқталды. Ер адам жергілікті тұрғындардың малын бағумен айналысқан. 31 мамыр күні сағат 17.00-де малшының үстіне жай оты түсіп, ол сол жерде жан тәсілім етті. Марқұм 38 жаста еді. Оның мәйіті сот-медициналық сараптамаға жіберілді.

Айта кетейік, өңірде дәл осындай оқиға 2023 жылдың 25 мамырында болған. Ол кезде Аққайың ауданынының атпен кетіп бара жатқан малшысына жай оты түсіп, қаза тапқан болатын.