ШЫҰ қарсаңында Oyan, Qazaqstan белсендісі қамауға алынды

Oyan, Qazaqstan қозғалысының белсендісі Бауыржан Әділханды полиция қызметкерлері Алматы әуежайында, ұшаққа отырар алдында себепсіз ұстады.

Бұл туралы Oyan, Qazaqstan өзінің instagram парақшасында хабарлады.

Жеке шаруаларымен Астанаға бара жатқан Бауыржан ұшаққа отырып жатқан кезінде ұстады.
Бұл жағдайды Oyan, Qazaqstan ресми парақшасында Астанаға келген ШЫҰ мен Си Цзинь Пиннің келуіне қарай ұстап отыр деп болжайды. Oyan, Qazaqstan желіде Бауыржанды еш түсіндірусіз ұстағанын айтып отыр.

«Біздің пайымдауымыз бойынша, Бауыржанның ұсталуы Астанадағы ШЫҰ кездесуімем тұспа-тұс келгендіктен, яғни саяси себептермен ұйымдастырылған» деп хабарлады Oyan, Qazaqstan.

Куәгерлердің айтуынша, оған әуежай қызметкерлері келіп, белгісіз бағытқа алып кеткен.

Алматы каласының полиция басқармасында (Масанчи 57А) қамауда болған оны сағат 22:00-де жіберді. Бауыржан Әділханды кешкі сағат 22:00-де жіберген. Ол өзінің instagram парақшасында өзіне алаңдағандарға рахметін білдіріп, полиция қателескен секілді деген болжам айтты. Сондай-ақ, істің мән-жайын сұрау үшін ертең Түріксіб полиция басқармасына баратынын айтты. 

«Мен шықтым. Аманмын. Менде бәрі дұрыс. Полицияға рахмет мынадай 5 минуттың ішінде танымал қылғаны үшін. Бүкіл медия мен туралы болып кетті. Шынымды айтсам, білмеймін. Полиция мені біреумен шатастырып ұстаған секілді. Әлде, расында да саяси бірдеңе келе жатыр ма? Түсініксіз. Ертең сағат 11:00 де Түріксіб РОВД-сына барамын. Мені неге ұстап кеткендерін айтқан жоқ. Соған қарағанда полиция қызметкерлері өздері білмей тұр. «Қателесті ме?» деген ой болып тұр» деп жазды Бауыржан Әділхан.