Шымкентте бір ер адам туған қызын 4 жыл бойы зорлап келген деген күдікпен қамалды

Шымкентте туған қызын төрт жыл бойы зорлап келді деген күдікпен бір азамат ұсталды, деп хабарлайды Orda.kz.

Шымкент қалалық полиция департаменті кәмелетке толмаған қызды ұзақ жылдар бойы зорлау фактісі бойынша қылмыстық іс қозғалғанын растады.

Бұған дейін адвокат Ләззат Рақышева әлеуметтік желілерде хабарлағандай, қыз бала 11 жастан 15 жасқа дейін туған әкесінің жыныстық зорлық-зомбылығына ұшырап келген.

«Күдікті қысқа мерзім ішінде ұсталды. Сот шешімімен оған қатысты бұлтартпау шарасы ретінде қамауда ұстау жазасы тағайындалды»,  деп хабарлады Шымкент ҚПД баспасөз қызметі.