Шетелдік тасымалдаушылар Қазақстанның салық заңнамасын сақтауы тиіс

Қазақстанда шетелдік тасымалдаушылардың салық заңнамасын сақтауына тексеру жүргізіледі, деп хабарлайды Orda.kz.       

«Тасымалдаушыла қызметінің ашықтығын қамтамасыз ету мақсатында биыл көлік компанияларына, оның ішінде құрылтайшылары – резидент емес ұйымдарға қатысты салық заңнамасының сақталуына тексеру жүргізу жоспарланып отыр», – деді Премьер-Министр Олжас Бектенов  депутаттардың сауалына жауап бергенде. 

Бұған дейін депутаттар Қазақстанның орталық географиялық орналасуы оны халықаралық транзиттік тасымал үшін стратегиялық маңызды елге айналдыратынын айтып, соңғы жылдары бұл нарықтағы қазақстандық компаниялардың үлесі 30%-дан 51%-ға дейін өскенін атап өткен болатын.

 Алайда, парламент мүшелерінің пікірінше, 2022 жылдан бастап елде шетелдік көлік компаниялары жаппай тіркеле бастаған. Олар отандық тасымалдаушыларға арналған жеңілдіктер мен квоталарға қол жеткізе отырып, шетелдік капиталды, персоналды және автокөлік паркін пайдаланады.

 Мәжілісмендердің айтуынша, үкіметтік жеңілдіктерді пайдаланып отырған бұл компаниялар қазақстандық кәсіпкерлерді нарықтан ығыстырып жатыр, ал олардың үлесі қазірдің өзінде 25%-дан төмендеп кеткен.

Депутаттар мұндай компаниялардың қызметін шұғыл тексеруді, реттеуді күшейтуді және ұлттық мүдделерді қорғауды талап етті. Бұл нарықтағы позицияны толық жоғалту мен ұлттық қауіпсіздікке төнетін қауіптің алдын алу үшін қажет.