Шекарада шетелдіктердің заңсыз тауар кіргізуіне көмектескен қазақстандықтар ұсталды

ҰҚК Cыбайлас жемқорлыққа қарсы қызметі мемлекеттік шекара арқылы тауарды заңсыз импорттау арнасының жолын кесті, деп хабарлайды Orda.kz. 

Батыс Қазақстан облысы мемлекеттік кіріс департаментінің басқарма басшыларының бірі мен елорда тұрғыны ұсталды.

ҰҚК мәліметінше, ұсталған тұлғалар тауарларды кедергісіз әкелу үшін шетелдік азаматтарға көмек көрсетіп, ақшалай сыйақы алған.

Олар «көмек» үшін 100 млн теңгеден астам пара алған. Алдын ала есеп бойынша мемлекетке келтірілген шығын 1,9 млрд теңге болды.

Айта кетейік, Шымкентте 21 жастағы қызды өлтірген ер адамға іздеу салынды.