Шавкат Рахмонов Өзбекстан азаматтығын алды – UFC

Шавкат Рахмоновтың Қазақстан азаматтығын өзбек азаматтығына ауыстырғаны туралы ақпарат тарады, деп хабарлайды Orda.kz. 

UFC аралас жекпе-жек лигасының ресми сайты спортшы Шавкат Рахмоновқа қатысты деректе қателік жіберді. UFC сайтының авторлары Рахмоновты Өзбекстанның азаматы деп жазып қойған. Мұндай ақпарат мақалада да, Шавкат Рахмоновқа арналған профилде де бар.

Рахмонов азаматтығын ауыстырғаны туралы айтпады. Оның Қазақстан азаматтығынан бас тартуы екіталай. Спортшы барлық сұхбаттарында өзінің Қазақстан азаматы екенін және өз өмірін Қазақстанмен байланыстыратынын әрдайым айтып жүреді. 

Еске салайық, бұған дейін Sport24.ru порталы әлеуметтік желіде UFC чемпиондарының танымалдығы туралы айта отырып, қазақстандық файтер Шавкат Рахмоновты ресейлік спортшылар қатарына қосып, өрескел қателік жіберген еді.