Семейде сталкинг жасаған қыз тек бұзақылық үшін ғана айыппұл арқалаған

Семей қаласының тұрғыны түнгі сағат 03:30 шамасында жұмыстан қайтып келе жатқан кезде бейтаныс қыз оның артына ілесіп, оғаш мінез танытып, қорқытқан. Оның бейнесі әлеуметтік желіде де кеңінен тарады, деп хабарлайды Orda.kz.

Сот 24 жастағы қыздың әрекетін ұсақ бұзақылық деп танып, қоғамдық орында бейәдеп сөздер айтқаны үшін 85 мың теңге көлемінде айыппұл салды. Бұл оның бір ғана әрекетіне тағайындалған жалғыз жаза. Жәбірленуші сот шешімін әділетсіз деп санайтынын айтып, қоқан-лоқы көрсету мен қудалау әрекеттеріне құқықтық баға берілмегенін атап өтті. Ол полиция мен прокуратураның жұмысына наразылық білдірді. 

29 қаңтар күні сенат қабырғасында ішкі істер министрінің орынбасары Игорь Лепеха бұл жағдайға қатысты пікір білдірді. Ол сталкинг туралы заң жуырда ғана күшіне енгенін айтты. 

Желі қолданушылары мен жәбірленушінің бұл оқиғаға берілген құқықтық бағаға көңілі толмайды. 

Айта кетейік, Атырауда 19 күн бұрын жоғалған ер адамның денесі табылды.