Семейде құрдасын аяусыз ұрған балалардың бірінің ата-анасы қамалды

Семейде құрдасын жабылып соққыға жыққан балалардың ата-анасына сот үкім шығарды, деп хабарлайды Orda.kz.

Сот Абай облысындағы кәмелеттік жасқа толмаған балалардың ата-аналарын өз балаларын дұрыс тәрбиелемегені үшін кінәлі деп айыптады.

Ата-аналардың бірі Л.А есімді азамат 5 күнге қамалса, қалған 4 ата-ана 78 640 теңге айыппұл арқалады. Бұған дейін дәл осы сот бұзақы жасөспірімдерді арнайы мектептерге жіберген болатын. Л.М есімді жасөспірім (2011 жыл) 2 қылмыстық құқық бұзушылығы үшін 6 айға, ал Ш.Э  (2008 жыл) и М.А (2012 жыл) теріс қылықтары мен сабаққа келмейтіні үшін 4 айға арнайы мектепке жіберілді.

Сот қалған 3 баланы арнайы мекемеге жіберуден бас тартты. Өйткені олардың екеуі 11 жасқа толмаған және біреуінде ешқандай құқық бұзушылық жоқ.

«Бұл ретте сот В.М. (2012 жылы туған), Е.С. (2014 жылы туған) және Т.С.-ны (2014 ж.т.) арнайы оқу мекемелеріне жіберу туралы арыздарды қанағаттандырудан бас тартты. Шешім В.М.-ның жүйелі бұзушылықтары болмағанына, ал қалған екеуі мамандандырылған білім беру ұйымдарына орналастыру үшін қажетті жасқа толмағандарына байланысты қабылданған (мамандандырылған оқу орындарына орналастыру заң бойынша 11 жастан бастап қана мүмкін болады). Барлық сот шешімдері тәрбие жұмысын жүргізу және кәмелетке толмағандар арасындағы құқық бұзушылықтың одан әрі алдын алу мақсатында қабылданды. Қажет болған жағдайда жасөспірімдердің арнаулы оқу орындарында болу мерзімі мекемелер әкімшілігінің өтінішхаты бойынша ұзартылуы мүмкін», – деп мәлімдеді сот.

Еске сала кетсек, Orda.kz құрдасын аямай ұрып, соққыға жыққан жасөспірімдерге қатысты соттың қандай үкім шығарғаны жайлы жазған еді.