Семейде аяздан көпір жарылып қалды

Семейде қатты аяз салдарынан аспалы көпірдің тігістерінде саңылаулар пайда болды.

Белсенділердің айтуынша, кей жерлерде жарықшақтардың ұзындығы 20 сантиметрге жетеді.

Қала билігі қазір олқылықтарды бақылауда. Олар бізді құлау қаупі жоқ деп сендіреді.

«16 ақпанда минус 29 градустық ауа температурасы кезінде аспалы көпір тіректерінің компенсаторлары мен көрінетін құрылымдары көзбен шолу арқылы тексерілді. №1 тіректе шамамен 70 мм, ал №10 тіреуіште 60 мм компенсаторлар жоталары арасындағы бос орындар анықталды. Көпір тіректерінің жағдайы қанағаттанарлық деп бағаланып, көпірдің құлау қаупі анықталған жоқ» деп хабарлады Семей қаласының әкімдігі.