Риддерде мұғалімдер мектеп басшылығынан қысым көргендерін айтып үндеу жолдады

Риддер қаласы бойынша білім бөлімінің «№11 жалпы орта білім беретін мектеп» ұжымы психологиялық қысым көргендерін айтып ҚР Оқу-Ағарту министрі мен облыс әкіміне ұжымдық үндеу жолдады, деп хабарлайды Orda.kz.

Мұғалімдер мектепке негізсіз тексерістердің жиілеуі мен психологиялық қысымның күшейгенін атап өтті. Ұжымның айтуынша, жағдай Риддер қаласы білім бөлімі басшысының қызына қатысты оқиғадан кейін күрделене түскен. Педагогтар қызметтік өкілеттікті асыра пайдалану белгілерін, әкімшілікке түсетін қысымды және мектеп ішіндегі моральдық ахуалдың нашарлағанын алға тартты.

Мәселе әлеуметтік желіде қызу талқыланып, қоғам назарын аударды.

Осыған байланысты ШҚО білім саласында сапаны қамтамасыз ету департаменті ресми түрде пікір білдіріп, үндеуде көтерілген сұрақтар департамент құзыреті шегінде жан-жақты қарастырылып, тиісті шаралар қабылданатынын хабарлады.