Ресейлік Су-30 жойғыш ұшағы Атырау әуежайында не істеп жүр?

cover Бейнеден кадр

Алдын ала мәліметке сәйкес, 20 ақпан күні шамамен сағат 9:40-та Атыраудағы Хиуаз Доспанова атындағы халықаралық әуежай аумағына Су-30 көпмақсатты жойғыш ұшағы жоспардан тыс қонған.  Бұл туралы Orda.kz  жергілікті Ақ Жайық басылымына сілтеп хабарлайды. 

Ұшақты 1986 жылы туған, Ресей азаматы, Башқұртстан Республикасының Белорецк қаласының тумасы Дмитрий Нифантьев басқарғаны белгілі болды.

Ақпаратта айтылғандай, ұшақ Каспий теңізі үстінде әскери-жаттығу ұшу орындаған. Ұшу барысында пилот бағыт-бағдарынан жаңылып қалып,  Атырау әуежайына шұғыл қону туралы шешім қабылдаған.

Қону штаттық режимде өткен. Жолаушылар мен әуежай жұмысына ешқандай қауіп төнбеген, тұрақты рейстер кесте бойынша орындалған. Жойғыш ұшақ әуежайда аз ғана уақыт болған, пилотқа медициналық көмек көрсетілген. Қажетті рәсімдер мен келісулерден кейін ұшақ Қазақстан аумағынан шығып, Ресейге қайтып оралған.

Құзырлы органдар оқиғаның мән-жайын анықтап жатыр. Осы ақпарат сайтымызда жарияланған кезге дейін ресми толыққанды түсініктеме берілмеді.

Оқи отырыңыз:

Жаңалықтар

барлық жаңалықтар