Ресейде тараздық екі жігіт диверсия жасап істі болды

Ресейде 2006 жылы туған екі қазақстандық қоғам мүлкіне диверсия жасады деген күдікпен ұсталды, деп хабарлайды Orda.kz.

Ресейдің Ленинград облысындағы Ломоносов аудандық соты екі қазақстандықтың қамалғанын мәлімдеді. Олар РФ қылмыстық кодексінің 281-бабы 2-бөлімінің «а» тармағы («Адамдар тобы болып жасаған диверсия») бойынша күдікке ілінді.

Сот мәліметінше, Тараз қаласында туған екі жігіт көрші елдің Санкт-Петербург қаласында тұрып жүрген. Табыс көзі болмай,  күн көрісі қиындаған екеуі «кураторлардың» нұсқауымен пайда табамыз деп заң бұзған. Олар 40 мың рубль көлеміндегі ақшалай сыйақы үшін Ленинград облысының Ломоносов ауданындағы ұялы байланыс операторы базалық станциясындағы қалқанды өртеген.

Күдіктілер ізін суытуға тырысқан. Алайда құқық қорғау органдары оларды ұстап үлгерді. 

Аталған қылмыс үшін екі жігіт 12 жылдан 20 жылға дейін бас бостандығынан айырылуы мүмкін.

Оқи отырыңыз:

• Ұлытау облысында марганецті заңсыз өндірген ер адам сотталды
• Ливияның бұрынғы көсемі Муаммар Каддафидің ұлын атып кетті
• Үндістан қазақстандықтарға 30 күндік визасыз режим енгізді