Ресей Қазақстанға ЖЭС салуды биыл бастамақ

Ресей Қазақстанға электр станциясын салуды биыл бастауы мүмкін, деп хабарлайды Orda.kz порталы.

Бұл туралы Энергетика министрі Алмасадам Сәтқалиев үкімет отырысында мәлімдеді.

Оның сөзінше, Қазақстанда үш жылу электр станциясын ресейлік "Интер-РАО" компаниясы салады.

«Құрылыс жұмысын биыл бастау мүмкіндігі бар, жоба айтарлықтай ілгеріледі. Қалған жобалар бойынша техникалық-экономикалық негіздеме әзірлеу аяқталуда, оның нәтижелері бойынша техникалық шешімдер бекітіліп, тиісті зауыттарда жабдықтарға тапсырыс беріледі», - деді Алмасадам Сәтқалиев. 

Еске сала кетейік, өткен жылдың қараша айында Қазақстан мен Ресей Көкшетау, Семей және Өскеменде жылу электр станцияларын салу туралы меморандумға қол қойған болатын.